დიალოგი წიგნებთან

აკაკი ბაქრაძის ნაშრომების უკეთ შესასწავლად, საზოგადოება დააფინანსებს და მხარს დაუჭერს ორ საგანმანათლებლო პროგრამას: „წიგნის წრე შენს უნივერსიტეტში“ და „წიგნი ჩვენგან“.

წიგნის წრე შენს უნივერსიტეტში

პროგრამა სტუდენტებს აძლევს შესაძლებლობას, თავად დააფუძნონ წრეები და შექმნან სივრცეები, სადაც ღიად, სიღრმისეულად და გააზრებულად იმსჯელებენ აკაკი ბაქრაძის ნაშრომებსა და მისი იდეების აქტუალობაზე დღევანდელ საქართველოში. პროგრამა უზრუნველყოფს თითოეული წევრისთვის წიგნების უფასოდ მიწოდებას და აანაზღაურებს თითოეული შეხვედრის კვების ხარჯებს 50 ლარის ფარგლებში.

როგორ წამოიწყო წიგნის წრე? ინსტრუქციები და რეკომენდაციები:

• მოაგროვე მონაწილეები – შეკრიბე მინიმუმ 8 სტუდენტი შენს უნივერსიტეტში (მეგობრები, კურსელები, ან სტუდენტები სხვა ფაკულტეტებიდან).
• აირჩიე წიგნი – გადაწყვიტეთ, რომელ ტექსტზე იმსჯელებთ. ქვემოთ იხილავთ წიგნის წრეების განრიგის მაგალითებს, რისი გამოყენებაც შეგიძლიათ.
• განსაზღვრე შეხვედრების რაოდენობა და გრაფიკი – გადაწყვიტეთ, რამდენჯერ შედგება წრე (მინიმუმ 3 შეხვედრა) და რა სიხშირით (ყოველკვირა, ორ კვირაში ერთხელ, თვეში ერთხელ).
• შეავსე განაცხადის ფორმა – ფორმის წარმატებით შევსების შემდეგ, დაგიკავშირდებით, რათა დავგეგმოთ შემდეგი ნაბიჯები და მოგცეთ რეკომენდაციები დისკუსიაში წარმატებით ჩასართავად.
• დაგვიკავშირდი – თუ გაქვს კითხვები, მოგვწერე ელფოსტაზე info@akakibakradzesociety.org ან დაგვიკავშირდი ნომერზე: 557 95 93 18 და ჩვენ დაგეხმარებით საჭირო ინსტრუქციებითა და რჩევებით.

წიგნი ჩვენგან

წიგნის წრეების დაფინანსების პარალელურად, საზოგადოება დაეხმარება იმ სტუდენტებსაც, ვისაც სურთ, დამოუკიდებლად გაეცნონ ბაქრაძის ნაშრომებს. ნებისმიერ სტუდენტს შეუძლია შეავსოს ფორმა, მიუთითოს რჩეული ნაშრომი და განმარტოს მისი წაკითხვის სურვილის მიზეზი, რის საფუძველზეც, ის საზოგადოებისგან საჩუქრად მიიღებს წიგნს.

მომავალში ვგეგმავთ, რომ ჩვენი მხარდაჭერა და დაფინანსება გავრცელდეს სხვა მნიშვნელოვან ტექსტებზეც, რომლებიც საქართველოს ისტორიას, ლიტერატურასა და პოლიტიკურ თეორიას ეხება.